Si të kontrolloni që pajisja juaj IQOS 3 MULTI është karikuar:
Shtypni butonin në pajisjen tuaj IQOS 3 Multi; dritat (në fund të pajisjes) e statusit të baterisë duhet të ndizen. Nëse nuk ndizen, shtypni dhe mbani shtypur butonin për 4 sekonda derisa drita e vogël të ndizet. Dritat e baterisë duhet të qëndrojnë të ndezura sapo ta shtypni sërish butonin.
Nëse nuk shihni drita, karikoni IQOS 3 MULTI duke mbyllur kapakun dhe duke përdorur përshtatësin elektrik zyrtar të IQOS dhe kabllon për të paktën 20 minuta*. Ne ju rekomandojmë ta rikarikoni plotësisht IQOS 3 MULTI. Karikimi mund të zgjasë deri 75 minuta. Pasi të karikohen plotësisht dritat e statusit të baterisë do të fiken.
* Mbani parasysh që portat USB të Lap Top-it mund të mos kenë energji të mjaftueshme për të karikuar karikuesin. Në vend të portës, ne ju rekomandojmë të përdorni një prizë elektrike.

Nëse IQOS 3 MULTI është karikuar, por nuk punon ende, hapi tjetër është risetimi i pajisjes IQOS 3 MULTI.
Shtypni dhe mbani shtypur butonin në pajisjen tuaj IQOS për rreth 10 sekonda. Pas fikjes së dritave, vazhdoni ta mbani butonin të shtypur edhe për 2 sekonda të tjera. Kur ta lëshoni butonin, do të shihni që të gjitha dritat do të ndizen.

A është e vështirë të thithni HEETS tuaj kur përdorni IQOS 3 MULTI? A nuk merrni aerosol të mjaftueshëm kur përdorni IQOS 3 MULTI? Ka gjasa që këto probleme të zgjidhen duke përdorur mjetin e pastrimit dhe shkopinjtë e pastrimit të IQOS.
Pastrimi rregullisht i IQOS 3 MULTI dhe me mjetet e duhura jo vetëm do të sigurojë që ju të merrni përvojën optimale të shijimit të duhanit të vërtetë, por mund edhe të zgjidhë disa nga problemet që mund të keni me IQOS 3 MULTI.

Nëse pajisja juaj IQOS 3 MULTI nuk fillon, ndonjëherë mund ta pengojë duhani i mbetur. Thjesht hiqni kapakun dhe pastroni sipërfaqen e sheshtë ngjitur me ndarjen e ngrohjes si dhe pjesën e brendshme të kapakut duke përdorur shkopin e pastrimit të IQOS.

A ka pajisja juaj IQOS 3 MULTI një dritë të kuqe apo të bardhë?
Kjo mund të ndodhë për shkak se pajisja juaj IQOS 3 MULTI është shumë e ftohtë ose shumë e nxehtë. IQOS 3 MULTI operon në temperatura nga 0° deri 50° C. Nëse temperatura e ambientit është e ulët, provoni ngrohjen e pajisjes në dorë për të paktën 1 minutë. Nëse është shumë e nxehtë, çojeni në një vend më të ftohtë dhe duhet të punojë sërish pasi të ftohet.

Kontrolloni për të parë nëse IQOS 3 MULTI ka teh të thyer ose dëmtime të tjera fizike. Nëse ka, na vjen keq për këtë. Kontaktoni Kujdesin e Klientit dhe ne do t’ju ndihmojmë me këtë problem.
Ndonjëherë pastrimi i mbajtësit IQOS 3 MULTI mund të dëmtojë tehun ngrohës brenda. Bëni kujdes të mos ushtroni forcë mbi tehun kur pastroni mbajtësin IQOS 3 MULTI. Gjithashtu, siguroni që të mos e rrotulloni fijen e duhanit me ngrohje, kur ndodhet brenda mbajtësit. Kjo lëvizje mund ta dëmtojë tehun ngrohës dhe të dëmtojë eksperiencën tuaj me IQOS.