IQOS ILUMA: Eventi madhështor “Next Level”

Eventi i prezantimit të IQOS ILUMA në Piramidën ikonike të Tiranës, ishte padyshim një udhëtim që kapërceu të zakonshmen, duke vendosur një standard dhe zbuluar një dimension të ri për të gjithë të ftuarit, frymëzuar nga teknologjia e nivelit tjetër që sjell IQOS ILUMA.

Muzika në tone më të larta sinjalizoi nisjen e eventit, duke surprizuar audiencën me një performancë kontemporane baleti dhe moderatorin Ardit Gjebrea në formë holograme. 

Prezantimi i IQOS ILUMA erdhi gjithashtu përmes teknologjisë së avancuar të hologramit, për të vulosur edhe njëherë konceptin “Next Level” mbi të cilin u ndërtua ky event.

Eventi ishte konceptuar i ndarë në tre zona, ku secila përfaqësonte një shtyllë të filozofisë së IQOS ILUMA. Në zonën e thjeshtësisë, e talentuara Joana Dhiamandi shfaqi instalimin e saj të qelqit, një dëshmi e shkrirjes së teknologjisë dhe artit. 

Në zonën e kënaqësisë, gastronomia molekulare e shefit të kuzhinës Gent Malaveci, ishte në qendër të vëmendjes. Ndër kënaqësitë ishin “Trëndafilat”, një pije freskuese e shërbyer me elegancë mbi një trëndafil. 

Zona e teknologjisë, e drejtuar nga Kushtrim Juniku, ishte një strehë për entuziastët e pajisjeve teknologjike, ku nëpërmjet inteligjencë artificiale të ftuarit patën mundësinë të përjetësonin momentin, duke krijuar kujtime që do të zgjasnin përtej natës.

Festa madhështore kulmoi me Marsela Çibukaj dhe Olen Çezari, të cilët me tingujt e tyre “ngrohën” audiencën duke e çuar atmosferën në nivelin tjetër. 

Mbrëmja e 7 Dhjetorit ishte një kombinim i teknologjisë me artin dhe kulturën, një shkrirje e performancave artistike me novacionin teknologjik, që padyshim vulosi eksperiencën “Next Level” për të gjithë pjesëmarrësit.