Bileta për ZAMNA festival – Termat dhe Kushtet

Duke qenë pjesë e këtij konkursi, secili pjesëmarrës konfirmon se ka lexuar, kuptuar dhe rënë dakord me këto Terma dhe Kushte, si dhe çdo udhëzim ose rregull shtesë i komunikuar nga Organizatori gjatë gjithë kohëzgjatjes së konkursit. 

Konkursi organizohet nga “Organizatori” Philip Morris Albania Shpk (PHILIP MORRIS ALBANIA shpk, Rruga "Papa Gjon Pali II-të", Ndërtesa nr. 12, Qëndra e Biznesit ABA, Kati 9, Zyra nr. 906, Kodi Postal 1010, Tiranë, Shqipëri) dhe pjesëmarrja përbën pranim të plotë të të gjitha detyrimeve, të drejtave dhe procedurave të përshkruara këtu. Nëse një pjesëmarrës nuk pajtohet me ndonjë pjesë të këtyre Termave dhe Kushteve, ai nuk mund të marrë pjesë në konkurs. “Pjesëmarrësi” është një duhanpirës i rritur që plotëson kushtet e specifikuara më poshtë. 

Sfidat ditore do të zhvillohen nga 7 Maj deri më 10 Maj, përfshirë këto data.

Pjesëmarrësit kanë mundësi të marrin pjesë në sfidat ditore të postuara në Instagram-in @iqos.al.

Për të qenë të vlefshëm, pjesëmarrësit duhet:

• të përgjigjen saktë pyetjeve të sfidës ditore;
• të vendosin emrin e përdoruesit (username) të Instagram-it të tyre në hapësirën e kërkuar. 
• të jenë pjesë e komunitetit IQOS.

Fituesit përzgjidhen nga pjesëmarrësit që kanë përmbushur saktë të gjitha kushtet e sfidës.

Çdo pjesëmarrës ka të drejtë të fitojë vetëm një (1) herë gjatë gjithë periudhës së aktivitetit.

Duke marrë pjesë në konkurs, pjesëmarrësit pranojnë dhe bien dakord që, në rast se përzgjidhen si fitues, emrat e tyre të përdoruesit (username‑t) do të publikohen zyrtarisht përmes Instagram Story ose Post në faqen @iqos.al.

Çmimi përbëhet nga një biletë individuale për eventin “ZAMNA” dhe një PR box, e cila mund të tërhiqet në butikën IQOS në Bllok nga data 7 Maj deri më 16 Maj.

Çmimi nuk mund të konvertohet në para ose të zëvendësohet me një tjetër shpërblim.

Biletat janë 'GENERAL ADMISSION' dhe do të dërgohen tek konsumatorët në email nga stafi.

Personat e mëposhtëm NUK kanë të drejtë të marrin pjesë:
  • Punonjës të Philip Morris International (PMI)
  • Punonjës të kompanive të lidhura, agjencive partnere, kontraktorëve
  • Anëtarët e familjes të çdo personi të sipërpërmendur

Organizatori rezervon të drejtën të verifikojë pranueshmërinë dhe të skualifikojë çdo Pjesëmarrës që:
  • Jep informacion të rremë, të pasaktë ose të paplotë
• Shkel këto Terma dhe Kushte
  • Nuk respekton mekanikën e fushatës ose kërkesat ligjore

• Të gjitha shpërblimet janë personale, të patransferueshme, të pakëmbyeshme dhe nuk mund të konvertohen në para apo alternativa të tjera.
  • Fituesit do të kontaktohen përmes detajave të dhëna gjatë regjistrimit.
  • Fituesve mund t’u kërkohet të kalojnë verifikime për përputhshmëri.
  • Fituesit janë përgjegjës për sigurimin e çdo dokumentacioni të nevojshëm për pjesëmarrje në eksperiencë (p.sh. dokument identifikimi, leje, etj.).

Mosplotësimi i këtyre kritereve rezulton në humbjen e shpërblimit pa kompensim.

Organizatori rezervon të drejtën të ndryshojë, përditësojë ose plotësojë këto Terma dhe Kushte në çdo kohë, për shkak të rrethanave që ndikojnë në realizimin ose disponueshmërinë e shpërblimeve. Pjesëmarrësit do të informohen në kohë për çdo ndryshim.

Për qëllimin e njoftimit të fituesve dhe dhënies së shpërblimeve, Organizatori do të mbledhë të dhënat personale të mëposhtme:
  • Emër dhe mbiemër
  • Adresa
  • Numër telefoni
  • Të dhëna regjistrimi të paraqitura për pjesëmarrje

Organizatori do t’i përpunojë këto të dhëna vetëm për:
  • Përmbushjen e detyrimeve ligjore që lidhen me konkursin
  • Njoftimin e fituesve
  • Publikimin e fituesve në formë anonime pas përfundimit të fushatës 

Operacionet e përpunimit të të dhënave përfshijnë: mbledhjen, regjistrimin, përdorimin, ruajtjen dhe zbulimin vetëm në masën e nevojshme për përmbushjen ligjore të fushatës.