Kriteret për pranim për eksperiencën brenda Shqipërisë

Kushtet dhe Termat

Duke marrë pjesë në këtë konkurs, Pjesëmarrësit (persona që plotësojnë të gjitha kriteret e përcaktuara në Seksionin 1. Kualifikimi) do të kenë mundësinë të konkurrojnë për çmimet dhe eksperiencat (siç përcaktohen në Seksionin 2. Çmimet dhe Eksperiencat). Çdo Pjesëmarrës konfirmon se i ka lexuar, kuptuar dhe pranuar këto Kushte dhe Terma të Përgjithshme, si dhe çdo udhëzim apo rregull shtesë të komunikuar nga Organizatori gjatë periudhës së konkursit.

Konkursi organizohet nga Philip Morris Albania Sh.p.k (PHILIP MORRIS ALBANIA shpk, Rruga “Papa Gjon Pali II”, Ndërtesa Nr. 12, ABA Business Center, Kati 9, Zyra Nr. 906, Kodi Postar 1010, Tiranë, Shqipëri) ("Organizatori"), dhe pjesëmarrja përbën pranimin e plotë të të gjitha detyrimeve, të drejtave dhe procedurave të përshkruara në këtë dokument. Nëse Pjesëmarrësi nuk pajtohet me ndonjë pjesë të këtyre Kushteve dhe Termave, ai/ajo nuk mund të marrë pjesë në konkurs.

Organizatori rezervon të drejtën, në çdo kohë, të ndryshojë, plotësojë, pezullojë ose ndërpresë këto Kushte dhe Terma të Përgjithshme, në përputhje me legjislacionin dhe rregulloret në fuqi. Çdo përfitim ose çmim i fituar përpara këtyre ndryshimeve do të mbetet i vlefshëm, përveç rasteve kur identifikohet keqpërdorim, abuzim ose mosrespektim i këtyre Kushteve dhe Termave.

1. KUALIFIKIMI

Për të qenë i kualifikuar për të marrë pjesë dhe për të konkurruar për çmimet dhe eksperiencat përkatëse, Pjesëmarrësi duhet të plotësojë në mënyrë kumulative kriteret e mëposhtme:

1. Pjesëmarrësi duhet të jetë person madhor (18+), duhanpirës ose përdorues i produkteve me nikotinë, si dhe rezident në Republikën e Shqipërisë.
2. Pjesëmarrësi duhet të jetë përdorues i IQOS dhe i regjistruar në sistemin zyrtar IQOS në Shqipëri.
3. Pjesëmarrësi duhet të përmbushë kërkesat e pjesëmarrjes të përcaktuara në Seksionin 3 të këtyre Kushteve dhe Termave.

Konkursi zhvillohet vetëm në territorin e Republikës së Shqipërisë dhe gjatë Periudhës së Fushatës, nga 22 Shtator 2026 deri më 29 Shtator 2026.

2. ÇMIMET DHE EKSPERIENCAT

Si pjesë e aktiviteteve të zhvilluara nëpërmjet IQOS Club, Pjesëmarrësit do të kenë mundësinë të konkurrojnë për çmime që lidhen me ndeshjen Shqipëri vs. San Marino, e cila do të zhvillohet në Air Albania Stadium.

1. Eksperienca Skybox
    Deri në tetë (8) Pjesëmarrësit me renditjen më të lartë në Leaderboard-in e IQOS Club për këtë çmim do të fitojnë akses në zonën Skybox Experience në Air Albania Stadium. Të gjitha detajet organizative dhe ato që lidhen me eventin do t’u komunikohen fituesve përpara ndeshjes.
2. Bileta VIP
    Deri në pesëmbëdhjetë (15) Pjesëmarrësit me renditjen më të lartë në Leaderboard-in e IQOS Club për këtë çmim do të fitojnë bileta VIP për të ndjekur ndeshjen Shqipëri vs. San Marino në Air Albania Stadium.
3. Bileta për Ndeshjen
    Deri në tridhjetë (30) Pjesëmarrësit pasues me renditjen më të lartë në Leaderboard-in e IQOS Club për këtë çmim do të fitojnë bileta standarde (General Admission) për të ndjekur ndeshjen Shqipëri vs. San Marino në Air Albania Stadium.

2.2 Periudha e Fushatës dhe Çmimet/Experiencat

Fushata do të zhvillohet nga 22 Shtator 2026 deri më 29 Shtator 2026, gjatë së cilës Pjesëmarrësit e kualifikuar mund të marrin pjesë në aktivitetet e IQOS Club për të fituar çmime që lidhen me ndeshjen Shqipëri vs. San Marino.

Organizatori rezervon të drejtën të ndryshojë, shtojë ose heqë çmime dhe eksperienca, të ndryshojë numrin e fituesve, datat e aktivizimit ose ndeshjet e përfshira, në përputhje me Seksionet 5 dhe 7 të këtyre Kushteve dhe Termave.

3. KËRKESAT DHE MËNYRAT E PJESËMARRJES

Pjesëmarrësit mund të kualifikohen për çmimet e përcaktuara në Seksionin 2 duke përmbushur një nga kërkesat e mëposhtme:

ose

 *Një rekomandim konsiderohet “i suksesshëm” kur personi i rekomanduar regjistron pajisjen dhe blen pajisjen e tij/saj të parë IQOS përmes kanaleve zyrtare IQOS duke përdorur numrin e telefonit të Pjesëmarrësit si identifikues referimi. 

Pasi të kualifikohet, Pjesëmarrësi fiton akses në aktivitetet e disponueshme në IQOS Club.

3.3 Aktivitetet e Fushatës dhe Rregullat Teknike

Gjatë Periudhës së Fushatës, përmes IQOS Club mund të zhvillohen aktivitete të ndryshme, duke përfshirë por pa u kufizuar në:

• Kuize
• Lojëra puzzle
• Sondazhe dhe aktivitete votimi
• Artikuj interaktivë
• Sfida digjitale
• Aktivitete të tjera angazhimi të komunikuara nga Organizatori

Çdo aktivitet do të lidhet me një çmim specifik të përshkruar në Seksionin 2 dhe do të rregullohet nga Rregulla Teknike të veçanta, të cilat do të komunikohen paraprakisht përmes IQOS Club dhe/ose kanaleve të tjera zyrtare IQOS.

Pjesëmarrja në një aktivitet nuk i garanton automatikisht Pjesëmarrësit fitimin e një çmimi ose eksperience. Pjesëmarrësit do të renditen sipas kritereve të përcaktuara në Rregullat Teknike përkatëse. Vetëm Pjesëmarrësit me renditjen më të lartë që përmbushin kriteret e Seksionit 3.1 do të kualifikohen për të marrë çmimin ose eksperiencën përkatëse.

3.4 Përzgjedhja e Fituesve

Fituesit do të përcaktohen bazuar në renditjen e tyre në aktivitetin përkatës, në përputhje me Rregullat Teknike të komunikuara nga Organizatori.

Kriteret e renditjes mund të përfshijnë:

• Saktësinë e përgjigjeve të dhëna
• Kohën e përfundimit
• Performancën në lojën, sfidën ose aktivitetin përkatës
• Kritere të tjera të komunikuara paraprakisht nga Organizatori

3.5 Njoftimi i Fituesve

• Fituesit do të njoftohen individualisht me email, SMS, telefonatë, mesazh privat në Instagram ose përmes IQOS Customer Care.
• Emrat e fituesve mund të publikohen në IQOS Club ose në kanalet zyrtare IQOS, në përputhje me legjislacionin për mbrojtjen e të dhënave personale.

4. KRITERET E PËRJASHTIMIT

Personat e mëposhtëm nuk lejohen të marrin pjesë:

1. Punonjësit e Philip Morris International (PMI).
2. Punonjësit e Federatës Shqiptare të Futbollit.
3. Punonjësit e kompanive të lidhura, agjencive partnere ose kontraktorëve.
4. Anëtarët e familjes së personave të mësipërm.

5. TË DREJTAT E ORGANIZATORIT

• Të verifikojë identitetin dhe kualifikimin e çdo Pjesëmarrësi.
• Të refuzojë ose anulojë pjesëmarrjen e çdo personi që jep informacion të pasaktë, mashtrues ose të paplotë.
• Të skualifikojë Pjesëmarrësit që shkelin këto Kushte dhe Terma ose që kryejnë mashtrim apo abuzim.
• Të modifikojë fushatën për arsye operacionale ose ligjore.
• Të zëvendësojë një çmim me një tjetër me vlerë të ngjashme në rrethana jashtë kontrollit të tij.

6. KUSHTET E ÇMIMEVE

1. Të gjitha çmimet janë personale, të patransferueshme, të pakëmbyeshme dhe nuk mund të konvertohen në para ose alternativa të tjera.
2. Fituesit do të kontaktohen duke përdorur të dhënat e kontaktit të regjistruara në profilin e tyre IQOS.
3. Mosdhënia e përgjigjes brenda afatit të përcaktuar do të rezultojë në humbjen e të drejtës për të marrë çmimin.
4. Organizatori rezervon të drejtën të kryejë kontrolle sigurie dhe verifikime të kualifikimit para dhënies së çdo çmimi.
5. Fituesit janë përgjegjës për përmbushjen e të gjitha kërkesave të komunikura për marrjen e çmimit dhe pjesëmarrjen në event.
6. Mosplotësimi i këtyre kërkesave mund të rezultojë në humbjen e çmimit.

7. NDRYSHIMI I KUSHTEVE DHE TERMAVE

Organizatori rezervon të drejtën të pezullojë, ndryshojë, amendojë ose plotësojë këto Kushte dhe Terma në çdo kohë. Pjesëmarrësit do të informohen siç duhet për çdo ndryshim të tillë.

8. MENAXHIMI DHE MBROJTJA E TË DHËNAVE PERSONALE

Për qëllime të kontaktimit, shpalljes së fituesve dhe dhënies së çmimeve, Organizatori do të mbledhë dhe përpunojë të dhënat personale në përputhje me legjislacionin në fuqi për mbrojtjen e të dhënave personale dhe Politikën e Privatësisë së IQOS.